Во познатата ,,Бол Арена”, Денвер Нагетс ја запишаа третата победа на последните четири средби, откако синоќа ги поразија Голден Стејт Вориорс со 114-104.
Во текот на речиси цел натпревар, Нагетс имаа предност што ја одржуваа на двоцифрена разлика.
Од нивниот состав, најефикасен со 46. трипл-дабл во кариерата беше Србинот Никола Јокиќ (23 поени, 14 скокови и 10 асистенции), а Вил Бартон и Џамал Мареј додадоа по 19 кошеви.
Од редовите на Голден Стејт, а воедно и на мечот, најпрецизен беше Стеф Кари со 35 поени.
Со овој триумф, Денвер и Голден Стејт се израмнија на 6-6 и се наоѓаат на средината на табелата на Западната конференција.
📸 Sportsnet
