Екипата на Јиваскила ја запиша првата овосезонска победа во финската Лиига, откако денес го совлада Луко со 5-2.
После првата третина, домаќините водеа со 2-0, благодарение на Џеф Плет и на Сами Нику.
На стартот на вториот дел, Анти Саарела намали на 2-1, но до наредната пауза, Ааро Видгрен, Брејден Кристофер и Јуусо Пуустинен реализираа за 5-1.
Во третиот период, гостите упатија само три удари кон голот на Еету Лаурикаинен, од кои, со гол заврши шутот на Јулиус Матила.
На табелата, Луко се наоѓа на претпоследното место, додека Јиваскила скокна на шестата позиција.
