Во првиот натпреварувачки ден од хокеарската Интернационална Централноевропска хокеарска лига (ИЦЕ Лига), Блек Вингс Линц славеа над Вилах со 2-1.
Линц ја заврши минатата сезона со осум порази на последните осум одиграни средби, но триумфално влезе во новата кампања.
Домаќините поминаа 59:23 минути во водство, откако поведоа уште во првата минута преку Брајан Леблер.
Во втората третина, предноста на победничкиот состав ја удвои Андреас Кристлер во момент кога неговиот тим имаше играч повеќе на ледената плоча.
Гостинскиот тим беше приморан да напаѓа во поголемиот дел од мечот, но успеа да реализира само еден од вкупните дваесет и девет шутеви преку Елијас Валента.
Најзаслужен за лошата реализација на Вилах беше голманот на Линц, Расмус Тиронен, кој на дебито во новата средина имаше 28/29 одбрани.