Њујорк Јенкис синоќа ја оправдаа фаворитската улога и по вторпат во низа ги совладаа Канзас Сити Ројалс, овој пат со 8-1.
На половина од натпреварот, домаќините водеа со 4-0, пред Ројалс да го реализираат својот единствен поен, преку Ники Лопез, во петтиот ининг.
Од друга страна, хоум-ран за Јенкис забележаа Арон Џаџ (заедно со две поентирања со трчање) и Лук Воит, а по четири бази освоија уште Гери Санчез, Тајлер Вејд и Ди Џеј ЛеМехју (х2).
Освен нив, значаен придонес имаа и двата фрлачи Џејмсон Теилон (шест страјк-аути за 6.1 ининг) и Нестор Кортес (пет страјк-аути за 2.2 ининзи).
На табелата на Американската лига, Јенкис (40-34) го заземаат седмото, а Ројалс (33-40) – единаесеттото место.
