По седми пат на последните осум меѓусебни пресметки, Њујорк Јенкис ги совладаа Минесота Твинс.
Имено, во првиот синоќешен натпревар, претставниците на Њујорк славеа над ,,Близнаците” со резултат од 5-2.
После пет ининзи, на семафорот стоеше 2-2, но во наредните три периоди, домаќините постигнаа три, а не примија ниеден поен.
Од гостинските редови, поените ги запишаа Гери Санчез и Џек Кејв.
Од друга страна, по еден хоум-ран за победничкиот состав дадоа Марвин Гонзалес, Арон Џаџ (+1) и Ајзеа Кинер-Фалефа, а со трчање поентираше уште Глејбер Торес.
За горенаведениот Џаџ, овој хоум-ран беше вкупно педесет и четврт во тековната сезона, кој го става на првото место во цела лига во овој сегмент.
Во Американската лига, Јенкис (81-54) се втори, а Минесота (68-65) го зазема осмото место.
