Во првиот меч од синоќешната НХЛ програма, Отава Сенаторс неочекувано ги поразија Тампа Беј Лајтнинг со 4-0.
За Сенаторс, ова беше осми меч во историјата во кој не примиле погодок од актуелните шампиони, односно прв после победата од 1-0 над ЛА Кингс на 26 февруари 2015.
Синоќа, првиот гол за канадскиот состав го постигна Џош Норис, а останатите три беа дело на Брејди Ткачак.
За Ткачак, ова беше прв хет-трик во кариерата, кој го направи вкупно осми хокеар во клупската историја на Отава со три последователни погодоци на еден меч.
На голот на победничкиот состав стоеше Антон Форсберг, кој ги одбрани сите 25 противнички удари за својот прв шут-аут во НХЛ.
Прекинот на победничката серија од пет триумфи ги остави Лајтнинг на третото место во Источната конференција, додека Отава скокна на претпоследното место.
