Интер со убедливи 3:0 го потопи Милан во второто овосезонско градско дерби кое се одигра во лигашки рамки. По победата во купот, тимот на Антонио Конте повторно доминираше против ,,Росонерите” и потврди дека е прв фаворит за освојување на Скудетото.
Напаѓачкото дуо Ромелу Лукаку – Лаутаро Мартинес беше преголем залак за Милан, тие двајца го торпедираа Донарума, додека на другата страна Хандановиќ правеше чуда пред својата мрежа. Интер сега е на врвот со +4 бода во однос на Милан, има 53 бода по 23 одиграни натпревари во Серија А.