Екипата на Каролина Хурикејнс ја заврши календарската 2022 година на одличен начин со десет последователни победи.
Последна ,,жртва” од годината на Хурикејнс беше тимот на Флорида Пантерс, кој синоќа загуби со 4-0.
Домаќините постигнаа по еден гол во првата и во третата третина, додека во вториот дел двапати ја затресоа мрежата на Спенсер Најт.
Од победничките редови, во листата на стрелците се запишаа Стефан Несен, Андреј Свечников, Теуво Тераваинен и Јеспери Котканиеми.
Голманот на клубот од Рејли, Анти Раанта, дојде до вториот овосезонски шут-аут, откако ги одбрани сите деветнаесет противнички шутеви.
Во Источната конференција, Каролина го држи второто место, додека Флорида се наоѓа на дванаесеттата позиција.
