Атланта Брејвс испуштија огромна шанса да ја освојат титулата во МЛБ пред своите навивачи, откако го запишаа првиот домашен пораз во овосезонскиот плејоф.
Имено, во петтиот меч од финалето, Брејвс беа поразени со 5-9 од Хјустон Астрос, кои го намалија вкупниот резултат на 3-2.
Атланта го започна натпреварот на неверојатен начин, односно со грен-слем на Адам Дувал, додека на базите беа Ози Албис, Остин Рајли и Еди Росарио.
До крајот, за домаќините поентираше уште Фреди Фримен, кој со хоум-ранот во третиот ининг им донесе водство од 5-4 на домаќините.
Во меѓувреме, гостите девет пати стигнаа до четвртата база на Атланта, а во листата на поентерите се запишаа Јули Гуриел (х2), Кајл Такер (х2), Хозе Алтуве (х2), Мајкл Брентли, Карлос Кореа и Алекс Брегман.
Шестиот дуел од финалната серија е закажан за вечерта помеѓу 2 и 3 ноември со почеток од 01.09 часот после полноќ по македонско време и ќе биде одигран во Хјустон.
