Шестата локација од Светскиот куп во алпско скијање во женска конкуренција, а воедно и последна во 2020, е австрискиот Земеринг.
На денешната програма беше четвртиот овосезонски велеслалом, но истиот беше откажан поради хаотичните временски услови.
Всушност, одржана беше само првата серија, која неофицијално ќе биде неважечка. На истата, Петра Влхова беше најбрза (1:02,15) пред Марта Басино (+0,22), Мишел Жизен (+0,35), Микаела Шифрин (+0,59) и Сара Хектор (+0,74).
Поради неповолните услови, промени претрпи и машкиот супервелеслалом во Бормио, кој ќе биде одложен за утре.