Новајлијата во шкотскиот Чемпионшип, Коув Ренџерс, засега им пркоси на сите очекувања и има пет бода повеќе во однос на Арброут, кој се наоѓа во плејаут-зоната.
Сепак, момците од околината на Абердин можеа да имаат седум поени повеќе, доколку избореа победа во седумнаесеттото коло против Партик Тисл.
Имено, сè започна посакувано за Ренџерс, кои поведоа со 1-0 уште на самиот старт преку Митчел Мегинсон (6′).
Сепак, гостите од Глазгов успеаја непоразени да го напуштат ,,Балморал Стадиум”, благодарение на голманот Џејми Снедон (90+6′), кој освен неколкуте добри одбрани, постигна и израмнувачки гол.
Иако добро ја започна сезоната, Партик има само една победа на последните седум лигашки натпревари и ја зазема петтата позиција.
