Сан Хозе Шаркс и Ст. Луис Блус синоќа го одиграа најефикасниот овосезонски натпревар во НХЛ.
Имено, после шеесет минути игра, двете екипи постигнаа тринаесет погодоци за конечен триумф на Ст. Луис од 6-7.
За да стигнат до ,,тенискиот” резултат, Шаркс водеа четири, а Блус водеа трипати во мечот во кој головите паѓаа речиси наизменично.
Стрелци за ,,Ајкулите” беа Тимо Мајер (х2), Евандер Кејн (х2), Кевин Лабенк и Логан Кутур, додека за Блус стрелаа Марко Скандела (х2), Самуел Блес, Брејден Шен, Закари Сенфорд, Мекензи МекЕхерн и Рајан О’Рајли.
Со новиот триумф, Ст. Луис изби на третото место во Западната дивизија, додека Сан Хозе останува на последното место.
📸 Dilip Vishwanat/Getty Images
