Голден Стејт Вориорс се на чекор од пласман во финалето на НБА за првпат после 2018/19.
Имено, со синоќешната победа од 100-109 над Далас Маверикс, Вориорс поведоа со вкупни 3-0 во меѓусебната полуфинална серија.
Првото полувреме од третиот натпревар помина со неизвесна игра, но во вториот дел, гостите од Калифорнија ја презедоа контролата во свои раце.
Од победничките редови, дабл-дабл постигнаа двајца кошаркари, односно Ендру Вигинс (27 поени и 11 скокови) и Стеф Кари (31 поен и 11 асистенции).
Што се однесува до составот на Далас, убедливо најдобра партија со две двоцифрени статистики имаше Лука Дончиќ (40 кошеви и 11 скокови).
