Пред два дена, Феникс Санс ги поразија Детроит Пистонс и ја запишаа осумнаесеттата победа во низа што претставува нов рекорд на франшизата.
Сепак, победничката низа на актуелните вицешампиони остана на овој број поради синоќешниот пораз од Голден Стејт Вориорс со 118-96.
Единственото водство на мечот, Феникс го имаше на самиот старт, кога водеше со 0-2, односно со 3-5, а во продолжение, домаќините ја држеа предноста во свои раце.
Од редовите на Голден Стејт, Стеф Кари уфрли 23 поени, а по 19 додадоа Гери Пејтон и Ендру Вигинс.
Кај Санс, Деандре Ејтон имаше ист поентерски учинок како Кари (23 кошеви), а по 12 поени запишаа Камерон Џонсон и Крис Пол.
Со меѓусебниот триумф, Вориорс (19-3) го презедоа првото место на табелата на Западната конференција, спуштајќи го Феникс (19-4) на втората позиција.