Дербито на Чемпионшип помеѓу Фулам и Барнмут го отвори новото дваесет и прво коло од англиската втора лига.
Нивниот прв меѓусебен меч на ,,Крејвен Котиџ” после 27 октомври 2018 заврши со резултат од 1-1 што претставува прво реми во Лондон после 29 август 1998.
Спектакуларното второ полувреме беше отворено со гол после само седум секунди игра, чијшто ,,автор” беше вториот најдобар стрелец во лигата – Доминик Соланке (46′).
Англичанецот се запиша во листата на стрелците по шеснаесетти пат сезонава и се израмни на второто место со асот на Блекбурн – Бен Бреретон.
Откако стекна негатива, Фулам дополнително ја презеде играта во свои раце и израмни преку првиот гол во новата средина за Абдул-Насир Адарабиојо (84′), кој воедно го постави конечниот резултат.
Со поделбата на бодовите во англиската престолнина, Фулам остана на врвот на табелата со еден поен предност во однос на денешниот ривал.
