За првпат после мај 2019, Чикаго Вајт Сокс и Торонто Блу Џејс се соочуваат во меѓусебна серија од регуларната сезона на МЛБ.
На првиот меч, претставниците на Чикаго славеа со 6-1, а синоќа, Торонто го возврати ударот, триумфирајќи со 2-6.
После седум периоди, Вајт Сокс имаа предност од 2-1, но грешките во одбраната во последните два ининзи им овозможија пет клучни поени на Блу Џејс.
Од домашниот состав, во листата на поентерите се запишаа Џејк Лемб и Лери Гарсија, кои освоија по четири бази по ударите на Јоан Монкада и на Ник Мадригал.
На спротивната страна, хоум-ран во вториот ининг забележа Рендал Гричак, а во финишот, со трчање поентираа Рајли Адамс, Маркус Семиен, Бо Бишет, Сантијаго Еспинал и Роуди Тељез.
Во Американската лига, Вајт Сокс (37-24) го држат второто место и покрај поразот, додека Блу Џејс (31-28) се наоѓаат на осмата позиција.
