После десетте меѓусебни порази во низа, синоќа, Филаделфија Флаерс успеаја да ги совладаат Њујорк Ајлендерс со 2-1.
Гостите од ,,Големото јаболко” стекнаа почетно водство во првата третина преку осмиот овосезонски погодок на Кејси Сизикас.
Сепак, во вториот период, Флаерс направија целосен пресврт, откако мрежата на Илја Сорокин, двапати ја затресе Кевин Хејс.
При двата погодоци на Американецот, како асистенти се запишаа два исти хокеари, односно Тревис Конекни и Џоел Фараби.
Во Источната конференција, Ајлендерс останаа на десеттото место, додека Флаерс ја презедоа дванаесеттата позиција.
