Милвоки Бакс, во шестиот четврт-финален дуел, ги совладаа Бруклин Нетс со 104-89 и изборија ,,мајсторка” за пласман во полуфиналето.
Во текот на цел натпревар, Бакс ја имаа резултатската позитива на своја страна, која претежно беше двоцифрена.
Кај победничкиот состав, неверојатно ,,комбо” претставуваа Крис Мидлтон и Јанис Антетокумбо.
Двајцата кошаркари имаа дабл-дабл учинок со тоа што Мидлтон запиша 38 поени и 10 скокови, а Антетокумбо додаде 30 поени 17 скокови.
На спротивната страна, Кевин Дурент се истакна со 32 кошеви и со 11 скокови, а уште 16 поени додаде и Џејмс Харден.
Седмиот, односно решавачкиот дуел помеѓу двете екипи ќе биде одигран вечерта помеѓу 19 и 20 јуни со почеток од 02.30 часот.