После серијата од шест порази на седум средби, Бруклин Нетс успеаја да поврзат два триумфи.
Синоќа, на гостински терен, претставниците на сојузната држава Њујорк ги совладаа Филаделфија 76ерс со 100-129.
Во текот на цел натпревар, со исклучок на воведниот дел на првата четвртина, Нетс имаа двоцифрено водство во своја корист.
Кај победничкиот состав, Кевин Дурент (25 поени и 14 скокови) запиша дабл-дабл, а по 24 и по 22 поени додадоа Сет Кари и Кајри Ирвинг.
На спротивната страна, Џоел Ембиид беше најкорисен со 27 кошеви и со 12 скокови, додека, уште 16 поентирања уфрли Тобијас Херис.
Од домашните навивачи, свирежи доби Бен Симонс, кој од 76ерс премина во Нетс, а играчот што беше испратен во спротивен правец, Џејмс Харден, имаше лош ден со 3/17 прецизни шутеви од игра вредни за вкупни 11 поени.
Во Источната конференција, Бруклин (34-33) скокна на осмото место, додека Филаделфија (40-25) остана на третата позиција.
