ЛА Лејкерс синоќа го запишаа четвртиот пораз во низа, откако загубија со 101-109 од Филаделфија 76ерс во дербито на денот.
Имено, во првото полувреме, двете екипи беа потполно рамноправни, а во третата и во четвртата четвртина, Филаделфија успеа да се ,,одлепи” резултатски и да стекне капитална предност.
И двата ривали дојдоа на овој меч прилично ослабени и без најдобрите играчи.
Во победничкиот состав фалеше Џоел Ембиид, додека кај ,,Езерџиите” ги немаше Ентони Дејвис и ЛеБрон Џејмс.
Накрај, најефикасен на мечот беше Дени Грин (Филаделфија) со 28 поени, а од неговите соиграчи се истакна уште Сет Кари (19 поени).
Од спротивната страна, тројцата најпрецизни кошаркари беа Кајл Кузма (25 кошеви), Монтрезл Херел (20 кошеви) и Денис Шродер (20 кошеви и 11 асистенции).
На Западот, Лејкерс (28-17) го држат четвртото место, додека Филаделфија (32-13) е првопласирана на Истокот.
📸 Harry How/Getty Images
