Филаделфија 76ерс го запишаа деветтиот меѓусебен триумф во низа против Чикаго Булс, откако синоќа ги совладаа со 105-114.
Натпреварот беше проследен со неизвесен развој на настаните во кој, 76ерс ја имаа резултатската предност во поголем дел од играта.
Од поразениот состав, Црногорецот Никола Вучевиќ запиша дабл-дабл од 11 кошеви и од 11 скокови, а најефикасен од неговите соиграчи беше Зек ЛаВин со 32 поени.
Кај Филаделфија, Џоел Ембиид беше убедливо најкорисен играч со 30 поени и со 15 скокови, пред Турчинот Фуркан Коркмаз, кој уфрли 25 кошеви.
Со шестата победа во низа, Филаделфија (8-2) го презеде првото место во Источната конференција, спуштајќи го Чикаго (6-3) на третата позиција.
