Две екипи со два порази по првите два одиграни натпревари се соочија синоќа во ,,Јунајтед Сентер”.
Имено, Чикаго Булс им беа домаќини на Голден Стејт Вориорс.
Целата игра беше релативно изедначена, со предност што варираше и на двете страни и беше константно едноцифрена.
Накрај, во завршните секунди, Демион Ли погоди тројка и им го донесе првиот овосезонски триумф на Вориорс со резултат од 128-129.
Најефикасен кошаркар на теренот беше Стеф Кари (Голден Стејт) со 36 поени, а од домашните редови, Зек ЛаВин беше најдобар со 33 поени.
Со оваа победа, Вориорс скокнаа на 1-2, додека Чикаго падна на учинок од 0-3.
