Во еден од деветте синоќешни дуели од програмата на НБА, Хјустон Рокетс ги поразија Атланта Хокс со 126-132.
После три четвртини игра, се чинеше дека Рокетс ќе го запишат третиот пораз во низа, но во четвртиот квартал направија серија од 44-25 за осмата победа на последните дсет средби.
Од победничките редови, над 20 поени постигнаа двајца кошаркари, односно Ерик Гордон (32) и Ди Џеј Огустин (22).
На спротивната страна, дабл-дабл запиша Клинт Капела (12 поени и 16 скокови), а најефикасен со 41 кош беше Тре Јанг.
Атланта (13-14), со новата загубена пресметка, падна на десеттото место на Истокот, додека Хјустон (9-18) е тринаесетти на Западот.
