Синоќа, Њујорк Никс загубија со 109-126 од Кливленд Кавалирс, кои ја продолжија својата победничка низа на четири врзани триумфи.
Во првото полувреме од мечот, Никс воглавно имаа резултатска позитива, но со серијата од 20-7 на Кливленд во третата четвртина, ситуацијата на теренот се сврте во полза на гостинскиот состав.
Од победничките редови, најзаслужни за победата беа двајцата кошаркари со дабл-дабл, Рики Рубио (37 поени и 10 асистенции) и Џерет Ален (18 поени и 17 скокови), заедно со Иван Мобли (26 кошеви).
На спротивната страна, по 15+ кошеви постигнаа тројца играчи, односно Џулиус Рендл (19), Дерик Роус (17) и Еван Фурние (15).
На табелата на Источната конференција, со синоќешната победа, Кливленд (7-4) го презеде шестото место од Њујорк Никс (6-4).
