Џексонвил Џагуарс го приредија најголемото изненадување во деветтото коло од тековната НФЛ сезона, совладувајќи ги Бафало Билс со 9-6.
На мечот, сите поени паднаа после филд-голови, а нивни автори беа Метју Рајт (Џексонвил) и Тајлер Бас (Бафало).
Квотербекот на ,,Јагуарите” и првиот пик од последниот драфт, Тревор Лоренс, стана само вториот дебитантски квотербек, кој го поразил Бафало во ерата на Шон МекДермот, после Сем Дарнолд.
Лоренс го заврши мечот со 118 освоени јарди од 15/26 прецизни додавања и покрај претрпената повреда.
Неговиот колега на спротивната страна, Џош Ален, освои 264 јарди со додавање и 50 јарди со пробивање, а притоа уфрли и два пресечени пасови.
Квотербекот на Билс имаше кошмари токму од неговиот истоименик, лајн бекерот Џош Ален, кој го пресече првото додавање во својата кариера, а воедно стана и прв играч во историјата на НФЛ, кој направил сек врз квотербек со исто име и со исто презиме.
За Џексонвил (2-6), ова беше само втор триумф во сезоната за оттргнување од дното на АФК, додека Бафало (5-3) остана на третото место.
Во соработка со НФЛ Македонија
