На четвртиот меч во месец март, Бруклин Нетс го запишаа и четвртиот пораз, губејќи со 126-120 од Бостон Селтикс.
Во поголемиот дел од натпреварот, Нетс ја имаа предноста на своја страна, но сепак преовладуваше резултатската неизвесност.
Имено, целата партија беше водена претежно од два играчи, односно од Џејсон Тејтум и од Кевин Дурент, кои беа најефикасни поединци на паркетот.
Тејтум беше протагонист во победата на Селтикс со неверојатни 54 поени, на кои, Џејлен Браун додаде уште 21 кош.
На спротивната страна, Дурент имаше 37 поени, а втор стрелец беше Кајри Ирвинг со 19.
Во Источната конференција, Бостон (39-27) го зазема петтото, а Бруклин (32-33) – десеттото место.
