Атланта Брејвс дојдоа на сано еден чекор од освојувањето на првата титула во МЛБ после 1995.
Момците од Џорџија, синоќа, го задржаа стопроцентниот учинок на домашен терен во плејофот, славејќи со 3-2 над Хјустон Астрос во четвртиот меч од големото финале.
Хјустон го започна натпреварот со одлична игра и со водство од 0-2 после четири ининзи, стекнато со поентирањата на Хозе Алтуве.
Венецуелецот дојде до бројка од 23 хоум-рани во плејофот во својата кариера што е втор учинок во историјата, после Мани Рамирез (29).
Во продолжение, на 1-2 намали Еди Росарио во шестиот ининг, а во седмиот период, Брејвс направија целосен пресврт со двата хоум-рани во низа на Дансби Свансон и на Хорхе Солер.
Петтиот, а потенцијално последниот меч од големото финале, ќе се одигра вечерва со почеток од 02.15 часот после полноќ по македонско време во Атланта.
