Првиот меч од новата, четиринаесетта по ред, КХЛ сезона беше воедно и реприза на минатогодишното финале.
Имено, актуелниот шампион, Авангард Омск, на домашен терен го надигра составот на ЦСКА Москва со 4-0.
Иако резултатот прикажува убедлив триумф на ,,Јастребите”, сепак, ситуацијата на теренот беше поинаква со константни напади на ЦСКА.
Хокеарите на домашниот состав успеаја да го одржат водството од 1-0 цели две третини, а во третиот период забија уште три голови за поставување на конечниот резултат.
Одлично деби во КХЛ, а воедно и во дресот на Авангард, имаше Словакот Петер Цегларик, кој постигна два погодоци и запиша една асистенција.
Ист учинок како него имаше и соиграчот Корбан Најт, а по една, односно по две асистенции забележаа уште Сергеј Толчински и Оливер Каски.
Чешкиот голман на тимот од Омск, Симон Хрубец, го запиша првиот шут-аут во сезоната со 29/29 одбранети шутеви.
