Филаделфија Филис, со вложените 204 милиони долари за неколкуте нови засилувања, ја исполнија својата цел и ја избегнаа десеттата негативна сезона во низа.
Сепак, шампионите од 2008, не успеаја да се пласираат во плејофот, каде што последен пат учествуваа во 2011.
Во текот на изминатите три дена, Филис ја играа клучната серија против Атланта Брејвс во која ги забележија трите клучни порази.
Брејвс, со учинок од 86-72 на три натпревари до крајот на регуларната сезона, дојдоа до првата позиција во Источната дивизија на Националната лига, токму пред Филаделфија (81-78) и официјално се пласираа во доигрувањето.
Во синоќешниот меч, претставниците на Џорџија, на домашниот ,,Труист Парк”, славеа над дивизиските ривали со 5-3.
После пет ининзи, домаќините имаа убедливо водство од 5-0, благодарение на хоум-раните на Хорхе Солер и на Остин Рајли, односно на трчањата на: Тревис Д’Арно, Фреди Фримен и Ози Албис.
До крајот, Филис поентираа трипати со освоените четири бази на Бред Милер и со хоум-раните на Ендру МекКачен и на Џеј Ти Реалмуто.
