Далас Маверикс делуваат како друга екипа, откако со повреда се здоби нивната ѕвезда – Лука Дончиќ.
Имено, претставниците на Тексас синоќа загубија од ЛА Клиперс со 97-91и го запишаа третиот врзан пораз, откако Словенецот не се појавува на теренот.
Во првото полувреме, Маверикс успеваа резултатски да се носат со своите ривали, но домаќините имаа серија од 11-0 во третиот квартал со која ја презедоа контролата во свои раце.
Во отсуство на Дончиќ, улогата на водечки стрелец кај Далас ја зазеде Криштапс Порзингис (25) заедно со Џејлен Брансон (20).
Кај Клиперс, Ивица Зубац уфрли дабл-дабл од 16 поени и од 10 скокови, а поефикасни од него беа Пол Џорџ (29) и Реџи Џексон (23).
На табелата на Западот, Клиперс (10-7) скокнаа на четвртото место, спуштајќи го Далас (9-7) на шестата позиција.
