После дебаклот од 13-1 пред пет дена од Вајт Сокс, Чикаго Кабс успеаја да се консолидираат и да врзат четири последователни победи.
Последната од нив беше остварена синоќа на домашен терен против Питсбург Пиратес со резултат од 6-5.
После четири ининзи, ,,Младенчињата” стекнаа предност од 5-0, преку Алфонсо Ривас, Серхио Алкантара, Мајкл Хермосиљо (х2) и Мет Дафи.
Само еден и пол период подоцна, гостите израмнија на 5-5 со хоум-раните на Ентони Алфорд (х2) и на Хој Парк, како и со освоените четири бази на Колин Моран и на Мајкл Перез.
Во втората половина од шестиот ининг, со својот деветти хоум-ран во сезоната, конечниот резултат го постави Френк Швиндел, кој воедно и ја остави победата во Чикаго.
Непосредно по натпреварот, Питсбург (48-87) остана на претпоследното место во Националната лига, додека Кабс (61-75) ја заземаа единаесеттата позиција.