Бостон Селтикс се наоѓаат во серија од девет победи, која започна уште од 30 јануари.
Последна ,,жртва” на претставниците на Масачусетс беа Филаделфија 76ерс, кои загубија со огромни 87-135.
Бостон влезе убедливо во првиот квартал, а во продолжение само ја билдаше својата предност, која достигна и до +51 во еден наврат.
Протагонисти во триумфот на ,,Зелените” беа Џејлен Браун со 29 кошеви и Џејсон Тејтум со дабл-дабл од 28 поени и од 12 скокови.
На спротивната страна, Џоел Ембиид уфрли 19 поени, а уште 11 додаде Тајрис Макси.
Во Источната конференција, Филаделфија (34-23) го зазема петтото, а Бостон (34-25) – шестото место.