Бостон Селтикс го започнаа финалето на НБА со триумф во првиот меч над Голден Стејт Вориорс од 108-120.
Во текот на првите три четвртини, предноста беше на страната на Вориорс, но со серијата од 40-16 во четвртиот квартал, Бостон дојде до победата.
Од поразениот состав, најефикасен беше Стеф Кари со 34 поени, а уште 20 додаде Ендру Вигинс.
Кај Селтикс, Ал Хорфорд со 26 и Џејлен Браун со 24 кошеви беа најрасположени во офанзивата.
