Бостон Бруинс ја прекинаа серијата од четири победи на Њујорк Ренџерс, откако синоќа ги совладаа со 3-1.
После две третини, домаќините водеа со 2-0, благодарение на головите на Давид Пастрнак и на Тејлор Хол.
На стартот на третиот период, Мика Зибанеџад го преполови дефицитот на гостите, а до крајот, Трент Фредерик го постави конечниот резултат.
Солидна партија на голот на Бруинс пружи Линус Улмарк, кој го надмина својот овосезонски просек со 30/31 одбранети шутеви (96,77%).
Во Источната конференција, Ренџерс го заземаат четвртото место, додека Бостон се наоѓа на шестата позиција.
