После трите последователни победи, Бафало Сабрес го прекинаа совршениот старт на сезоната, откако синоќа загубија од Бостон Бруинс со 1-4.
Гостите од Масачусетс, заклучно со втората третина, веќе стекнаа предност од 0-3 преку Давид Пастрнак, Томаш Носек и Чарли Којл.
Кон средината на третиот период, Виктор Олофсон го совлада Линус Улмарк за намалување на дефицитот на Сабрес на 1-3.
Улмарк, до почетокот на последниот трејд-период, беше член токму на Бафало, а синоќа го имаше своето успешно деби во дресот на Бостон со 35/36 одбранети шутеви (97,22%).
На две минути пред крајот на натпреварот, уште еден поранешен член на Бафало, Тејлор Хол, му ,,наштети” на својот поранешен тим, откако на празна мрежа погоди за конечни 1-4.
После меѓусебниот дуел, во Источната конференција, Бафало го зазема седмото, а Бостон – единаесеттото место.