Тимот на Јута Џез ја продолжи својата неверојатна серија, откако синоќа ја запиша единаесеттата врзана победа, совладувајќи ги Далас Маверикс со 120-101.
Домаќините од Солт Лејк Сити водеа во текот на целиот натпревар, притоа држејќи го противникот на двоцифрена разлика.
Накрај, Бојан Богдановиќ (Јута), со 32 постигнати поени, и со 7/11 успешни обиди за тројка, беше најефикасен и најзаслужен за триумфот на својот тим. Освен Хрватот, солидна партија имаше и Руди Гобер, кој беше единствен со дабл-дабл учинок (17 поени и 12 скокови).
Кај Далас, најефикасен беше Лука Дончиќ со постигнати 25 поени.
Со новата победа, Јута (15-4) останува на врвот на Западната конференција, додека Далас (8-11) падна на тринаесеттото место.
📸 Trent Nelson