Новајлијата во Супер рагби, Моана Пасифика, не успеа да направи сензација по вторпат во последните четири дена.
Имено, во заостанатиот меч од првото коло, составот од Оукленд загуби на домашен терен од Блус со 19-32.
Блус го започнаа натпреварот со серија од 19-0 за водство од 5-19 на полувремето.
Во вториот дел, рагбистите на Моана Пасифика се приближија до 19-24, но и покрај црвениот картон на Непо Лаулала (Блус), попуштија во самиот финиш.
За домаќините, по еден есеј постигнаа Абрахам Пол (37′), Лутеру Толаи (45′) и Томаси Алосио (59′), а по една конверзија погодија Д’Анџело Леуила и Линколн МекКлачи.
Од противничкиот тим, за шутевите беше задолжен Стивен Перофета (две конверзии и еден пенал), а топката во противничката енд-зона ја внесоа Тамати Туа (9′), Рики Ричители (26′, 33′), Лук Романо (55′) и Финли Кристи (69′).
На табелата, Блус скокнаа на четвртото место, додека Моана Пасифика е претпоследна екипа со само четири поени.
