За првпат после 7 ноември 2017, Њујорк Ренџерс, на домашен терен, ги поразија Колумбус Блу Џекетс.
Синоќа, гостите од Охајо беа инфериорни во однос на ,,Ренџерите” во ,,Медисон Сквер Гарден” и загубија со 4-0.
Домаќините постигнаа по два погодоци во првата и во третата третина за да дојдат до конечен триумф.
Во првиот дел, мрежата на Елвис Мерзликинс ја затресоа Рајан Сторм и Алексис Лафрение, а во третиот период, двапати стрелаше Крис Крајдер.
Голманот на Ренџерс, Игор Шестјоркин, го запиша првиот овосезонски шут-аут, откако го заврши мечот со 31/31 одбранет шут.
Во Источната конференција, Ренџерс се наоѓаат на петтата, а Колумбус на деветтата позиција.
