Во првиот меѓусебен дуел после 2016, одигран во деветнаесеттото коло од Чемпионшип, Барнли славеше над Ротерам Јунајтед со 3-2.
Гостите важеа за големи аутсајдери, но сепак доаѓаа до две водства од 0-1 и од 1-2 со головите на Бенџамин Вајлс (3′) и на Чедози Огбене (64′) после само една минута на теренот.
Од друга страна, за Барнли израмнуваа Џеј Родригез (35′) и Мануел Бенсон (90+1′), а во завршните мигови, пресвртот го комплетираше Халил Дервишоглу (90+10′) со првиот гол во новата средина.
Клучен момент пред доаѓањето на доцниот пресврт на Барнли беше вториот жолт картон на Коен Брамал (75′), кој ги остави гостите со играч помалку.
На табелата, Ротерам остана на четиринаесеттото место, додека Барнли осамна на врвот со пет поени предност во однос на второпласираниот Блекбурн.
