Во првиот меч од плејоф-фазата на тековната КХЛ сезона, Барис Нур-Султан направи ,,брејк” и поведе со вкупни 1-0 против Металург Магнитогорск.
Имено, претставниците на Казахстан триумфираа на руска територија со резултат од 2-3, иако упатија скромни седумнаесет удари.
Заклучно со првата минута од третата третина, Барис имаше водство од 0-2, а до крајот беа постигнати и останатите голови.
Двоен стрелец за победничкиот состав беше Словакот Томаш Јурчо, а еднаш во листата на стрелците се запиша и Јакоб Лилја.
Од противничкиот табор, од сите четириесет удари, мрежата на Јони Ортио ја затресоа само Линус Видел и Николај Голдобин.
