Адана Демирспор ја освои првата победа против Галатасарај во 21. век, откако во 18. коло од турската Супер лига славеше со 2-0.
Херој на домаќините, односно двоен стрелец, беше младиот Јунус Акгун (53′, 58′), кој погоди по двете асистенции на Матијас Варгас.
За Турчинот, кој претходно ги бранеше боите токму на Галатасарај, овие беа четвртиот и петтиот погодок во сезоната.
При првиот гол, радоста на избраниците на Винченцо Монтела, најдобро ја опиша Марио Балотели, кој му честита на Акгун на необичен кунг-фу начин.
Со шестиот триумф на последните осум средби, Адана изби на четвртото место, додека Галатасарај ја зазема единаесеттата позиција.
