НК Каубојс приредија огромен пресврт и го задржаа второто место на табелата во тековната НРЛ сезона.
Имено, во петнаесеттото коло, ,,Каубоите” ги совладаа Манли Си Иглс со 26-28 и не им дозволија да влезат во плејоф-зоната, оставајќи ги на деветтата позиција.
Си Иглс веќе ја гледаа третата победа во низа додека водеа со 26-12, но гостите од северот на Квинсленд направија сензација со серијата од 16-0 во последните осум минути.
Најефикасен во победничкиот тим беше Валентин Холмс, кој имаше 4/5 успешни конвертирања и два есеи (33′, 75′).
Од неговите соиграчи, во листата на поентерите се запишаа уште Џеремаја Нанаи (44′), Рис Робсон (72′) и Конели Лемуелу (73′).
Кај домаќините, двапати топката во противничката енд-зона ја внесоа Кристијан Туипулоту (8′, 48′) и Лахлан Кроукер (61′, 64′), а Рубен Герик имаше три конверзии и едно положување (24′).
