Бафало Билс им го нанесоа третиот последователен пораз на дивизиските ривали Њу Ингланд Патриотс и со тоа осигураа пласман на една од првите три места во АФК.
Имено, Билс дојдоа до осмиот триумф во последните девет средби, надигрувајќи ги Патриотс со 9-38, кои беа поразени на домашен терен од денешниот ривал за првпат после 2 октомври 2016.
Натпреварот беше изедначен само во првите дваесет минути, кога Ник Фолк и Кем Њутон им донесоа девет поени на ,,Патриотите”, а Тајлер Бас и Зек Мос постигнаа вкупно десет поени за Бафало.
Во продолжение, одбраната на Билс не допушти ниеден поен, а во нападот, Стефон Дигс постигна хет-трик, заедно со едниот тачдаун на Ли Смит. Квотербекот Џош Ален беше одличен со четири тачдауни и со 320 освоени јарди од 27/36 обиди.
Во соработка со НФЛ Македонија
