Синоќа, пред 40 224 гледачи на ,,Труист Парк”, Атланта Брејвс ја запишаа петтата последователна победа.
Имено, актуелните шампиони славеа со 3-2 над Вашингтон Нешоналс и ги поразија по единаесетти пат на последните дванаесет меѓусебни пресметки.
Во четвртиот ининг, домаќините поведоа со 2-0, но веќе во шестиот период, гостите го преполовија својот дефицит.
Атланта ја врати својата предност од два поени во осмата деветтина, а Нешоналс го поставија конечниот резултат на самиот крај.
Во листата на поентерите за победничкиот состав, со хоум-ран се запишаа Тревис д’Арно и Дансби Свансон, четири бази освои Мет Олсон, а фрлачот Чарли Мортон имаше девет страјк-аути.
На спротивната страна, со трчање, резултатски промени домесоа Џои Менесес и Идемаро Варгас.
Во Националната лига, Атланта (93-53) го држи третото место, а Вашингтон (51-97) се наоѓа на последната позиција.
