Негативната серија на Ст. Луис Блус стана навистина загрижувачка за нивните навивачи, особено по синоќешниот четврти пораз во низа.
Имено, Блус загубија на домашен терен со 2-3 од најслабиот тим во досегашниот дел од сезоната – Аризона Којотес.
Во првите две третини, Којотес двапати поведуваа преку Кајл Капобјанко и преку Берет Хејтон, додека домаќините израмнија во два наврати со головите на Џордан Кајру и на Тори Круг.
Во третиот дел, Аризона имаше само три шутеви кон противничкиот гол, но и тие беа доволни за 21-годишниот Хејтон да се запише по вторпат во листата на стрелците и да го освои вториот овосезонски триумф за својот тим.
Аризона и понатаму останува на последната позиција во Западната конференција, додека Ст. Луис го зазема седмото место.
