Детроит Ред Вингс не знаат за победа против Аризона Којотес на последните четири меѓусебни дуели, односно од 14 ноември 2018.
Синоќа, ,,Којотите” повторно ги совладаа ривалите од Мичиген со убедлив резултат од 2-9.
Единствени голгетери за Ред Вингс беа Роби Фабри и Јакуб Врана, кои ја затресоа мрежата на Карел Вејмелка за 1-1 и за 2-6.
На спротивната страна, во листата на стрелците се запишаа шест различни хокеари, односно Тревис Бојд, Ник Ричи (х2), Џејкоб Чикран (х2), Ник Шмалтц (х2), Кристијан Фишер и Клејтон Келер.
На почетокот на втората третина, Ред Вингс направија промена на голманската позиција, но новововедениот Томас Грајс прими два погодоци за неполни четири минути, па повторно на теренот беше вратен Алекс Недељковиќ.
И покрај триумфот, Аризона остана на последната позиција на Западот, додека Детроит го зазема десеттото место во Источната конференција.
