После серијата од четири порази, Бризбејн Бронкос поврзаа три триумфи и се вратија во борбата за плејофот на НРЛ.
Имено, во деветтото коло, Бронкос ги поразија Саут Сиднеј Рабитохс со 12-32 на гостински терен.
Главен протагонист во убедливото издание на победничкиот состав беше Адам Рејнолдс, кој постигна дури шеснаесет поени (еден есеј (29′), пет конверзии и еден пенал).
Рејнолдс беше испратен со свирежи од ,,Акор Стадиум” токму поради фактот дека, заклучно со минатата сезона, беше еден од клучните играчи на Рабитохс за кои одигра 231 натпревар.
Освен 31-годишниот халфбек, есеи за Бронкос постигнаа уште Кори Оутс (14′), Селвајн Кобо (51′, 73′) и Херби Фарнворт (64′).
Од противничкиот табор, за шутевите беше задолжен Блејк Таафе, а двапати топката во енд-зоната ја внесе Таане Милн (37′, 56′).
На табелата, со натпревар повеќе во однос на конкурентите, Бризбејн изби на шестото место, оставајќи го Саут Сиднеј на седмата позиција.
