“Златокоса“ е новиот летен хит на кумановецот Мартинијан Кириловски кој ја издаде песната за неговата матична „Гранд продукција“.
Станува збор за песна во брз летен ритам, која несомнено ќе ги освои срцата не само на македонската, туку и на балканската публика со оглед дека ќе биде на српски јазик.
Музиката и аранжманот се на Иле Спасев, а текстот на Даниела и Никола Хаџи Тоневски.
Песната има и свој видео запис кој изминатиот период Мартинијан го снимаше во Охрид во режија на Даниел Јовески. Главната улога во спотот ја толкува убавата стружанка Елена Ѓоргоска.
Ова е втора песна на Мартинијан која ја издаде за српската „Гранд продукција“ со која започна соработка по неговото учество во шоуто „Ѕвездите на Гранд“.
