Екипата на Вакифбанк успешно ја одбрани круната на женскиот одбојкарски Турски куп, освојувајќи го ова натпреварување по осми пат во својата историја.
Избраничките на Џовани Гвидети, во финалето го совладаа Фенербахче со конечни 3-2.
Маратонот од два и пол часа по сетови гласеше 21-25, 25-21, 25-13, 27-29 и 17-15.
Убедливо најкорисна одбојкарка во победничкиот состав беше Изабел Хаак, која постигна неверојатни 44 поени.
Од нејзините соиграчки, двоцифрена со 25 поентирања беше уште Габи Гуимараеш.
На спротивната страна, најрасположени во нападот беа Мелиса Тереза Варгас со 29, Арина Федоровцева со 15 и Еда Ердем со 13 поени.
На патот до финалето, Вакифбанк ги совлада Галатасарај (3-0) и Хава Јолари (3-1), а Фенербахче беше подобар од Ајдин (3-0) и од Ечачибаши (3-0).
