После серијата од седум порази, челниците на Бристол Сити одлучија да ја прекинат соработката со тренерот Дин Холден и на негово место да го назначат искусниот Најџел Пирсон.
57-годишниот англиски стратег, на своето деби на клупата на популарните Робинс, ја прекина ,,црната” низа, совладувајќи го тимот во кој ја заврши играчката кариера, Мидлсброу, со резултат од 1-3.
Имено, Бристол Сити, уште во првиот дел, стекна капитална предност од 0-3. Двоен стрелец беше Фамара Џеџу (21′, 33′), а еднаш мрежата на Маркус Бетинели ја затресе и Наки Велс (37′).
Во второто полувреме, Мидлсброу во потполност ги надигра своите ривали, но успеа само да дојде до почесен погодок преку Даел Фрај (80′).
На табелата, после 32 одиграни средби, Мидлсброу е осмопласиран, додека Бристол Сити ја зазема дванаесеттата позиција.
📸 Twitter: Bristol City FC
